SAWAAL

Tum

Haan tum

Jo door khade mujhe dekhte ho

Kya lagta hai kyu main khamosh hoon?

Khayalo se ghira hoon to khamosh hoon

Ya main sarfira hoon to khamosh hoon

Ye raat khamosh hai kya yahi baat hai

Kya lagta hai kyu main khamosh hoon?

Mehfir mein tanha hoon to khamosh hoon

Ya bin saaz naghma hoon to khamosh hoon

Shor se oob gaya hoon kya yahi baat hai

Kya lagta hai kyu main khamosh hoon?

Dosto mein akela hoon to khamosh hoon

Ya pagal ajab albela hoon to khamosh hoon

Khwabo ki madhoshi hai kya yahi baat hai

Kya lagta hai kyu main khamosh hoon?

Toota sitara hoon to khamosh hoon

Ya bas awara hoon to khamosh hoon

Zindagi se mohabbat nahi kya yahi baat hai

Kya lagta hai kyu main khamosh hoon?

Thukrai ik lehar hoon to khamosh hoon

Ya main raat ka pehar hoon to khamosh hoon

Oss ki ik boond hoon kya yahi baat hai

Kya lagta hai kyu main khamosh hoon?

Ansuni ik dua hoon to khamosh hoon

Charag se utha dhua hoon to khamosh hoon

Khud apne mein gum hoon kya yahi baat hai

Kya lagta hai kyu main khamosh hoon?

Tujhpe aitbar nahi to khamosh hoon

Ya tujhse pyar nahi to khamosh hoon

Tujhse fasla bahot hai kya yahi baat hai

Kya lagta hai kyu main khamosh hoon?

Tum

Haan tum

Jo door aine mein khade mujhe dekhte ho

Kya lagta hai kyu main khamosh hoon?

PRASHANT RANA

silence in words have the power to reach no where,

silence in eyes reaches even to those hearts that r oceans apart